family bonding minus the mother

January 27, 2009

Yun nga ang kinakatakutan niya kanina, baka biglang hanapin nito si Elle at magtanong ang bata kung bakit hindi nila kasama ito pero mukhang wala naman kay Celine kung kasama si Elle o hindi, ang importante masaya ito ngayon. “Papa, let’s watch movies again next week ha.” Hirit pa ng anak. Kasalukuyan silang naglalakad papuntang Toy Kingdom sa SM Makati pagkatapos manuod ng sine. “Okay, next week anak, pag walang work si Daddy, okay?” pangako ni Mars.

“Daddy, can I play first?” tanong ni Celine pagkapasok pa lang nila sa toy store. Hindi pa man nakakasagot si Mars ay nahila na kagad nito si Inay Miling papunta sa bunton ng Lego at nagsimula nang maglaro kasama ang ilan pang mga bata. Kahit pa nga may sarili nang Lego playset ang bata sa bahay, gusto pa din nito ang pumupunta dito at makihalubilo sa ibang mga bata na naglalaro din. Marahil ay sabik sa kalaro, wala naman kasi itong nakakasamang ibang bata pag nasa bahay. Ang siste, pag umupo na ito dito, matagal na bago mo ito mapatayo. “Sige na Mars, mag-ikot ikot ka na muna, itetext na lang kita pagtapos na ang bata. Ako na lang ang magbabantay para hindi ka naman mainip.” Mungkahi ni Inay Miling.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: